Ranganna Beo ar Líne
Foghlaim Gaeilge ar líne trí ranganna beo idirghníomhacha a mhúintear ar Zoom
Tá ár ranganna Gaeilge ar líne deartha d’fhoghlaimeoirí in Éirinn agus ar fud an domhain, agus tá grúpaí beaga i gceist, struchtúr an-chinnte ó thaobh leibhéal de agus béim láidir ar an nGaeilge labhartha.
Tá ranganna Gaeilge ar líne Ghaelteanga oiriúnach do dhaoine fásta ar mian leo Gaeilge a fhoghlaim ar líne ar bhonn struchtúrtha agus i dtimpeallacht ina dtugtar tacaíocht leanúnach d’fhoghlaimeoirí.
Mura bhfuil tú cinnte cén leibhéal ag a bhfuil tú, bain triail as ár dTriail Ghaeilge ar Líne.
Cuirfear tús le ranganna Théarma 2
an tseachtain dar tús 25 Eanáir 2027
(10 seachtaine, 20 uair)
€250 €180 (gach rang ginearálta)
Tá ár ranganna Gaeilge ar líne deartha d’fhoghlaimeoirí in Éirinn agus ar fud an domhain, agus tá grúpaí beaga i gceist, struchtúr cinnte ó thaobh leibhéal de agus béim láidir ar an nGaeilge labhartha.
Úsáideann Gaelteanga cur chuige nua-aimseartha foghlaimeoirlárnach agus bíonn ár gcuid ranganna spraíúil agus an- idirghníomhach.
Tá an bhéim inár dteagasc ar an nGaeilge labhartha agus múintear an ghramadach i gcomhthéacs de réir mar atá gá léi.
Grúpaí beaga. Líon teoranta spásanna.
Ranganna Gaeilge ar Líne ar siúl gan mhoill
Cuirimid ar fáil cúrsaí Gaeilge spreagúla ar ardchaighdeán, a dhear Éamonn Ó Dónaill, d’fhoghlaimeoirí ar fud an domhain.
Roghnaigh do leibhéal agus glac páirt i gceann dár ranganna Gaeilge beo ar líne an t-earrach seo (féach thíos).
Mura bhfuil tú cinnte cén leibhéal cumais ag a bhfuil tú, tabhair faoinár dTriail Ghaeilge ar Líne anseo.
Na nithe atá i gceist i gcás ár Ranganna Beo ar Líne
- Rang beo gach seachtain ar Zoom
- Grúpaí beaga agus neart deiseanna labhartha
- Cúrsaí do gach leibhéal, ó Thosaitheoirí (A1) go dtí an tArdleibhéal (C2)
- Fáil ar acmhainní foghlama idirghníomhacha ar líne
Tá ár gcuid ranganna oiriúnach duitse, cé acu atá tú lonnaithe in Éirinn nó áit ar bith eile ar domhan.
Cé air a bhfuil na Ranganna Gaeilge seo dírithe?
- Glantosaitheoirí ag dul i mbun fhoghlaim na Gaeilge den chéad uair
- Daoine in Éirinn a rinne staidéar ar an teanga ar scoil ar mian leo caighdeán níos airde a bhaint amach
- Mic léinn atá ag déanamh staidéar ar an nGaeilge sa choláiste
- Foghlaimeoirí idirnáisiúnta ar spéis leo an Ghaeilge
- Aon duine atá ag iarraidh a bheith níos muiníní agus iad ag labhairt na teanga
Téarmaí
Cuireann Gaelteanga ranganna ar fáil gach bliain thar thrí théarma: ó mhí Mheán Fómhair (Téarma 1), ó mhí Eanáir (Téarma 2) agus ó mhí na Bealtaine (Téarma 3).
Ár gcur chuige
• Úsáideann múinteoirí Ghaelteanga cur chuige spraíúil, foghlaimeoirlárnach ina gcuid teagaisc agus geallaimid gurb é an t-ábhar a úsáidimid an t-ábhar is fearr atá ar fáil ar líne.
• Tá an bhéim inár ranganna ar an nGaeilge labhartha agus múintear an ghramadach i gcomhthéacs de réir mar atá gá léi.
• Múintear an teanga ar bhealach soiléir sothuigthe agus baintear úsáid leanúnach as obair bheirte agus as gníomhaíochtaí grúpa chun deis a thabhairt do na foghlaimeoirí páirt a ghlacadh sna ranganna agus cleachtadh a dhéanamh ar a bhfuil múinte dóibh.
• Leanann ranganna Gaelteanga Comhchreat Tagartha na hEorpa um Theangacha (CEFR), ó leibhéal A1 go leibhéal C2 (féach na leibhéil ar fad thuas).
•Ar chríochnú cúrsa dóibh, is féidir leis na foghlaimeoirí scrúdú cainte ar líne a dhéanamh agus teastas a fháil nó dul ar aghaidh go dtí an chéad téarma eile gan scrúdú a dhéanamh.
Ábhar na gcúrsaí
• Rang beo ar líne dhá uair an chloig gach seachtain ar feadh 10 seachtaine
• Leabhrán cúrsa ina bhfuil an t-ábhar ranga go léir
• Rochtain ar ábhar ar líne le haghaidh athbhreithnithe agus cleachtaidh idir ranganna
• Ábhar fuaime ar líne agus cleachtaí idirghníomhacha, spraíúla
• Tacaíocht iomlán le linn an chúrsa
• Teacht ar an ábhar go héasca ó aon ghléas