Leibhéil ár gCúrsaí Gaeilge

I ranganna Ghaelteanga, cloítear le Comhchreat Tagartha na hEorpa um Theangacha (CEFR), ó leibhéal A1 go leibhéal C2.

Níl tú cinnte cén leibhéal ag a bhfuil tú? Cliceáil anseo chun tabhairt faoinár dTriail Ghaeilge ar Líne – tá sé saor in aisce.

AIMSIGH MO LEIBHÉAL
Leibhéil ár gCúrsaí Gaeilge
  • Dírithe orthu siúd nach bhfuil aon eolas acu ar an nGaeilge nó nach bhfuil ach cúpla focal agus frása acu.
  • Níl sé oiriúnach d’aon duine a bhfuil cúrsa ag A1 déanta aige cheana féin nó a rinne staidéar ar an nGaeilge sa mheánscoil.
  • Oiriúnach dóibh siúd a bhfuil cúrsa iomlán déanta acu ag leibhéal A1.
  • Bíonn na foghlaimeoirí a dhéanann an cúrsa seo in ann nathanna cainte coitianta laethúla agus frásaí an- bhunúsach a thuiscint agus a úsáid.
  • Bíonn siad ábalta iad féin agus daoine eile a chur in aithne agus is féidir leo ceisteanna a chur agus a fhreagairt faoi shonraí pearsanta, e.g., an áit a bhfuil cónaí ar dhuine, daoine a bhfuil aithne acu orthu agus rudaí atá ina seilbh.
  • Bíonn siad ábalta comhrá simplí a bheith acu fad is a labhraíonn an duine eile go mall agus go soiléir agus go bhfuil sé/sí sásta cabhrú leo.
  • I gcomhthéacs na hÉireann, oireann an leibhéal seo de ghnáth dóibh siúd a rinne an Ghaeilge ag an ngnáthleibhéal san Ardteist.
  • Tá an leibhéal seo dírithe orthu siúd a thuigeann abairtí agus nathanna cainte a úsáidtear go minic ag baint le réimsí atá an-ábhartha dóibh, m.sh. eolas an- bhunúsach pearsanta agus teaghlaigh, tíreolaíocht áitiúil, fostaíocht.
  • Bíonn siad ábalta cumarsáid a dhéanamh agus gnáth-thascanna simplí á gcur i gcrích acu a éilíonn malartú faisnéise simplí agus dírí maidir le ghnáthchúrsaí coitianta.
  • Is féidir leo cur síos a dhéanamh i dtéarmaí simplí ar ghnéithe dá gcúlra, dá ngarthimpeallacht agus labhairt faoi na riachtanais atá acu láithreach.
  • I gcomhthéacs na hÉireann, oireann an leibhéal seo de ghnáth dóibh siúd a rinne an Ghaeilge ag an ardleibhéal san Ardteist.
  • Oiriúnach dóibh siúd atá in ann na príomhphointí in ionchur soiléir caighdeánach a thuiscint maidir le cúrsaí coitianta a bhíonn i gceist go rialta san obair, ar scoil, i gcúrsaí fóillíochta, etc.
  • Bíonn na foghlaimeoirí seo ar a suaimhneas ag labhairt na Gaeilge agus úsáideann siad an teanga ó am go chéile – i gcomhthéacs sóisialta, mar shampla.
  • Is féidir leo déileáil leis an gcuid is mó de na topaicí a thagann chun cinn agus iad ag caint le cainteoirí dúchais.
  • Bíonn siad ábalta téacs simplí leanúnach a chur ar fáil ar thopaicí a bhfuil cur amach acu orthu nó a bhfuil spéis acu iontu.
  • Is féidir leo cur síos a dhéanamh ar eispéiris agus imeachtaí, ar bhrionglóidí, ar ábhair dhóchais agus ar uaillmhianta atá acu agus cúiseanna agus míniúcháin a thabhairt go hachomair i dtaca le tuairimí agus pleananna.
  • Tá na topaicí ag an leibhéal seo níos dúshlánaí ná na cinn atá i gceist ag meánleibhéal 1.
  • Dírithe orthu siúd atá in ann cumarsáid a dhéanamh chomh spontáineach agus chomh líofa sin gur féidir leo gnáthchomhrá a dhéanamh le cainteoirí dúchais go héasca gan iarracht mhór a bheith i gceist ar cheachtar den dá thaobh.
  • Is féidir leo labhairt faoi réimse leathan topaicí ar bhealach soiléir agus mionsonraithe, a seasamh ar cheist reatha a mhíniú agus buntáistí agus míbhuntáistí roghanna éagsúla a léiriú.
  • Bíonn deis ag na daoine a fhreastalaíonn ar rang ag an leibhéal seo cur lena stór focal agus lena réimse nathanna cainte.
  • Tá níos mó béime ar an ngramadach agus ar an scríbhneoireacht ná mar atá sna cúrsaí ag an meánleibhéal.
  • Oiriúnach dóibh siúd atá in ann réimse leathan téacsanna fada dúshlánacha (idir labhartha agus scríofa) a thuiscint agus a thuigeann bríonna intuigthe.
  • Is féidir leo iad féin a chur in iúl gan smaoineamh agus go líofa gan a bheith orthu focail a chuardach go minic agus go feiceálach.
  • Is féidir leo an teanga a úsáid go héifeachtach agus go solúbtha ina saol sóisialta agus gairmiúil nó i gcúrsaí oiliúna agus staidéir.
  • Is féidir leo ráitis shoiléire, struchtúrtha agus mhionsonraithe a dhéanamh ar thopaicí casta.
  • Bíonn deis ag na daoine a fhreastalaíonn ar rang ag an leibhéal seo rialacha casta gramadaí a fhoghlaim agus cur go mór lena stór focal.

Cúrsaí Ginearálta Gaeilge

Íoslódáil an bróisiúr

Bunchúrsa Cruinnis (Leibhéal C1)

Íoslódáil an bróisiúr

Tá Bunchúrsa Cruinnis Ghaelteanga (Leibhéal C1) dírithe ar dhaoine a bhfuil Gaeilge labhartha mhaith acu ach ar mian leo gramadach níos cruinne a bheith acu agus deis a fháil a gcuid scileanna scríofa a fhorbairt.

Beidh sé an-chabhrach dóibh siúd nach bhfuil ach tuiscint theoranta acu ar rialacha ghramadach na Gaeilge.

Tá an clár feiliúnach chomh maith dóibhsean a dteastaíonn uathu freastal ar Chúrsa Cruinnis Ghaelteanga amach anseo ach nach bhfuil an caighdeán cuí bainte amach acu go fóill.

Cúrsa Cruinnis (Leibhéal C2)

Íoslódáil an bróisiúr

Tá an Cúrsa Cruinnis (Leibhéal C2) dírithe ar dhaoine a bhfuil Gaeilge labhartha an-mhaith acu atá ag iarraidh gramadach níos cruinne a bheith acu agus tuiscint a fháil ar struchtúir chasta de chuid na teanga.

Sna ranganna, baintear úsáid as ábhar dílis – ailt as irisí agus nuachtáin, cuir i gcás – le cois réimse gníomhaíochtaí a bhfuil sé mar aidhm leo cabhrú leis na foghlaimeoirí coincheapa nua a shealbhú go héifeachtach.

Dírítear go háirithe ar fhadhb an bhéarlachais agus ar chuid de na drochnósanna atá le fáil sa teanga anois.

Tá an dá chúrsa an-oiriúnach dóibh siúd atá ag obair trí Ghaeilge – iriseoirí, craoltóirí, státseirbhísigh agus múinteoirí, mar shampla – agus do mhic léinn atá ag déanamh staidéar ar an nGaeilge mar ábhar i gcoláiste tríú leibhéal.